DIE HERE SE VERLOSSING IS DOODSEKER

"Geloofd sy die Here, die God van Israel, omdat Hy sy volk besoek het en vir hulle verlossing teweeggebring het" Lukas 1: 68

Sagaria sing dat die HERE vir Sy volk verlossing bewerkstellig het. Let daarop dat Sagaria dit so sê asof die verlossing al aanwesig is. Dit terwyl Johannes die Doper 8 dae gelede gebore is en die Here Jesus nog in Maria se buik leef. Ons sou sê dat ons eers nog maar moet sien of die verlossing regtig kom. Ons moet dit nie sê voordat dit regtig gebeur het nie. So leef ons dikwels.
Nogtans kan Sagaria as God se profeet so praat! Hoekom? Omdat God se plan van ewigheid in Johannes en in Christus uitgevoer word. Sonder dat dit iets van mense se verantwoordelikheid afdoen.
Dit is die HERE wat die Verlosser en die verlossing beloof het. As Hy beloof dan gaan dit gebeur. Ons kan daarop bou! Niks is sekerder as wat die HERE gesê en beloof het. Dat word juis duidelik in die kom van de Here Jesus, van God se Seun as die Redder van die wêreld. De Gees laat Paulus later die volgende skryf: "Want hoeveel beloftes van God daar ook mag wees, in Hom is hulle ja en in Hom amen, tot heerlikheid van God deur ons. Maar Hy wat ons saam met julle bevestig in Christus en ons gesalf het, is God, wat ons ook verseël het en die Gees as onderpand in ons harte gegee het."2 Kor 1:20-22
Ons kan op die HERE bou vir ons verlossing. Ons kan en moet op Christus bou vir ons hele lewe!